काठमाडौं । मध्य भोटेकोशी जलविद्युत् कम्पनी लिमिटेडको ९० लाख कित्ता आइपिओ अर्को साता बाँडफाँड हुने भएको छ । बिक्री प्रबन्धक ग्लोबल आइएमई क्यापिटलले कम्पनीको आइपीओ अर्को साता बाँडफाँड गर्ने तयारी भएको जनाएको हो ।

यद्यपी कम्पनीको आइपीओको शुक्रबारसम्म प्रिअलटमेन्ट गर्ने तयारी गरेको पनि क्यापिटल बताएको छ । मध्य भोटेकोशीले गत आसोज २० गतेबाट कुल ९० करोड रुपैयाँ बराबरको आईपीओ जारी गरेको थियो । जसअनुसार कम्पनीले १०० रुपैयाँ अंकित दरका कुल ९० लाख कित्ता आईपीओ निष्कासन गरेको थियो ।

कम्पनीले कुल निष्कासन हुने कित्तामध्ये ३ लाख ६० हजार कित्ता (४ प्रतिशत) कर्मचारीका लागि सुरक्षित गरिएको छ भने ४ लाख ५० हजार कित्ता (५ प्रतिशत) सामूहिक लगानी कोषका लागि छुट्याइएको छ। बाँकी रहेको ८१ लाख ९० हजार कित्तामा सर्वसाधारणले आवेदन पेस गरेका छन्।