काठमाडौं । महिला लघुवित्त वित्तीय संस्था लिमिटेडको लाभांश संशोधन भएको छ । कम्पनीले यसअघि घोषणा गरेको ५० प्रतिशत लाभांशलाई संशोधन गरेको हो ।

यद्यपी कम्पनीले ५० प्रतिशतलाई नघटाई संशोधन गरेको हो । यसअघि कम्पनीको असोज २२ गतेको सञ्चालक समितिको बैठकले गत आर्थिक वर्ष ०७७/ ७८ को मुनाफाबाट हाल कायम चुक्तापूँजीको आधारमा ४५ प्रतिशत बोनस सेयर र कर प्रयोजनसमेत ५ प्रतिशत नगद लाभांश वितरणको प्रस्ताव गरेको थियो ।

उक्त प्रस्तावलाई कम्पनीको कात्तिक ५ गतेको सञ्चालक समितिको बैठकले संशोधन गर्दै ४७ दशमलव ५ प्रतिशत बोनस सेयर र कर प्रयोजनका लागिसमेत २ दशमलव ५ प्रतिशत नगद लाभाश दिने प्रस्ताव गरेको हो ।