काठमाडौं । नबिल इक्विटी फन्ड र नबिल ब्यालेन्स्ड फन्ड–२ ले आफ्ना इकाईधनीलाई नगद लाभांश वितरण थालेका छन् । दुवै फन्डले असोज १० गतेसम्ममा खाता अध्यावधिक गराएका इकाईधनीहरुलाई बैंक खातामा नगद लाभांश पठाउन थालेको जनाएका हुन् ।

दुवै फन्डको योजना व्यवस्थापक नबिल इन्भेष्टमेन्ट बैंकिङले हालसम्म डिम्याट खातामा बैंक खाता अद्यावधिक नगराएका इकाईधनीहरुलाई खाता अद्यावधिक गराउन आग्रह गरेको छ । यसका लागि इकाईधनीले आफ्नो डिम्याट खाता खोलेको निक्षेप सदस्यमा गएर इकाई डिम्याट गर्नुपर्नेछ ।

ति इकाईधनीहरुले खाता अद्यावधिक गरेपछिमात्र लाभांश पाउने नबिल इन्भेष्टमेन्ट बैंकिङले जनाएको छ । आर्थिक वर्ष २०७७/७८ को नाफाबाट नबिल इक्विटी फन्डले ४०% र नबिल ब्यालेन्स्ड फन्ड–२ ले ३५% (करसहित) वितरण गरेका हुन् ।