काठमाडौं । चालु आर्थिक वर्षको पहिलो त्रैमासमा सिद्धार्थ बैंकले ९४ करोड ८७ लाख ३१ हजार रुपैयाँ खुद नाफा कमाएको वित्तीय विवरण सार्वजनिक गरेको छ । बैंकको यो नाफा गत वर्षको सोहि अवधिको तुलनामा ८९.५०% ले धेरै हो । नाफा गत वर्षको सोहि अवधिमा बैंकले ५० करोड ६ लाख ४० हजार रुपैयाँ खुद नाफा कमाएको थियो ।
बैंकले सार्वजनिक गरेको वित्तीय विवरण अनुसार यस अवधिमा प्रतिसेयर आम्दानी १५ रुपैयाँ ६९ पैसाले बढेर ३३ रुपैयाँ ६१ पैसा पुगेको छ भने प्रतिसेयर नेटवर्थ १८८ रुपैयाँ १३ पैसा रहेको छ । यस्तै बैंकको वितरणयोग्य नाफा २९ करोड ७८ लाख १० हजार रुपैयाँ छ ।
यस अवधिमा बैंकको खुद ब्याज आम्दानी ३०.२५% ले बढेको छ भने सञ्चालन नाफा ८७.२७% ले बढेर १ अर्ब ३५ करोड ६३ लाख ४७ हजार रुपैयाँ पुगेको छ । अन्य स्रोतबाट हुने आम्दानी ३२७.९५% ले बढेर ३४ करोड ५५ लाख ८५ हजार रुपैयाँ पुगेको छ ।
