काठमाडौं । बुटवल पावर कम्पनीले चालु आर्थिक वर्षको पहिलो त्रैमासको वित्तीय विवरण सार्वजनिक गरेके छ । कम्पनीले यस त्रैमासमा ७ करोड ५८ लाख ९ हजार रुपैयाँ खुद नाफा आर्जन गरेको छ । जुन नाफा गत वर्षको यसै अवधिको तुलनामा ४६.१९ प्रतिशतले बढी हो । गत वर्ष कम्पनीले ५ करोड १८ लाख ५७ हजार रुपैयाँ मात्र खुद नाफा आर्जन गरेको थियो ।
यस्तै कम्पनीले विद्युत् बिक्रीबाट हुने आम्दानी पनि १९ करोड ३ लाख रुपैयाँबाट बढेर २० करोड ७६ लाख रुपैयाँ पुगेको छ । यस्तैगरी ब्याज आम्दानी ६८ लाख ७७ हजार रुपैयाँबाट बढेर २ करोड ६१ लाख ४ हजार रुपैयाँ पुगेको छ ।
यस्तै पहिलो त्रैमासमा इक्विटी सेयर पुँजी २ अर्ब ९५ करोड १३ लाख ६१ हजार रुपैयाँ रहेको छ भने अन्य इक्विटी ४ अर्ब १३ करोड ३८ लाख ३९ हजार रुपैयाँ रहेको छ । कम्पनीको प्रतिसेयर आम्दानी २ रुपैयाँ ५७ पैसा र प्रतिसेयर नेटवर्थ २४० रुपैयाँ ७ पैसा रहेको छ ।
