काठमाडौं । फर्स्ट माइक्रोफाइनान्स लघुवित्त वित्तीय संस्थाले वार्षिक साधारणसभा बोलाएको छ । कम्पनीले मंसिर १६ गते बिहिबार वार्षिक साधारणसभा बोलाएको हो । कम्पनीले गत आर्थिक वर्षको नाफाबाट सेयरधनीलाई १० प्रतिशत बोनस सेयर र कर तिर्न ०.५३ प्रतिशत नगद गरी कुल १०.५३ प्रतिशत लाभांश वितरण गर्ने प्रस्ताव सभामा पेश हुनेछ । लाभांश वितरणको लागि कम्पनीलाई नियामक राष्ट्र बैंकले स्वीकृती पनि दिइसकेको छ ।
सभा आम्रपाली ब्यांकेट भाटभटेनी काठमाडौंमा बिहान ११ बजे हुने भएको छ । साधारण सभा प्रयोजनका लागि कम्पनीले मंसिर ५ गते बुक क्लोज गरिसकेको छ । तसर्थ मंसिर ४ गतेसम्म नेप्सेमा कायम रहेका सेयरधनीले मात्र सभामा भाग लिन र प्रस्तावित लाभांश पाउनेछन् । फर्स्टले हाल कायम चुक्ता पुँजी ८७ करोड ६८ लाख ११ हजार २०० रुपैयाँमा १० बोनस सेयर प्रस्ताव गरेको हो ।
