काठमाडौं । ग्लोबल आइएमई लघुवित्त वित्तीय संस्थाको वार्षिक साधारणसभा हुने भएको छ । कम्पनीको मंसिर २८ गते वार्षिक साधारणसभा हुने भएको हो । सभामा कम्पनीले गत आर्थिक वर्षको नाफाबाट सेयरधनीलाई २८ प्रतिशत बोनस सेयर वितरण गर्ने प्रस्ताव पेश गर्ने भएको छ । यस्तै प्रबन्धपत्र तथा नियमावली संशोधन गर्ने तथा अन्य कुनै लघुवित्तसँग मर्जर वा एक्विजिसनमा जानु परेमा सम्पूर्ण अख्तियारी सञ्चालक समितिलाई दिने एजेण्डा पनि रहेको छ ।
सभा होटल पोखरा ग्रान्ड पोखरा पार्दीमा बिहान १० बजे सुरु हुने भएको छ । सभा प्रयोजनका कम्पनीले मंसिर १४ गते बुक क्लोज गर्ने जनाएको छ । तसर्थ मंसिर १३ गतेसम्म कायम रहने सेयरधनीले मात्र सभामा भाग लिन र लाभांश पाउने भएका छन् ।
