काठमाडौं । गुराँस लघुवित्त वित्तीय संस्थाले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमाससम्म आइपुग्दा ३१ लाख ६३ हजार रुपैयाँ खुद नाफा आर्जन गरेको छ । जुन नाफा गत वर्षको भन्दा ४१.४६ प्रतिशतले बढी हो । गत वर्षको यसैअवधिमा कम्पनीले २२ लाख ३६ हजार रुपैयाँ खुद नाफा आर्जन गरेको थियो ।
यस्तै कम्पनीले १ करोड ६२ लाख रुपैयाँ खुद ब्याज आम्दानी गरेको छ । जुन खुद ब्याज आम्दानी गत वर्षको भन्दा १८.३९ प्रतिशतले बढी हो । गत वर्षको यसैअवधिमा कम्प्नीले १ करोड ३६ लाख ८४ हजार रुपैयाँ खुद ब्याज आम्दानी आर्जन गरेको थियो ।
यता सञ्चालन नाफा पनि ४१.४२ प्रतिशतले बढाएर ४९ लाख ७१ हजार रुपैयाँ पुर्याएको छ । अघिल्लो वर्ष यसैअवधिमा कम्पनीले ३५ करोड १५ लाख रुपैयाँ सञ्चालन नाफा आर्जन गरेको थियो । कम्पनीको प्रतिसेयर आम्दानी ४ रुपैयाँ ४४ पैसाले बढेर १५ रुपैयाँ १७ पैसा पुगेको छ भने प्रतिसेयर नेटवर्थ १५१ रुपैयाँ रहेको छ ।
