काठमाडौं । मनकामना स्मार्ट लघुवित्त वित्तीय संस्था चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमाससम्म आइपुग्दा ४७ लाख ११ हजार रुपैयाँ खुद नाफा आर्जन गरेको छ । जुन नाफा गत वर्षको भन्दा ७३.९७ प्रतिशतले बढी हो । गत वर्षको यसैअवधिमा कम्पनीले २७ करोड ८ लाख रुपैयाँ खुद नाफा आर्जन गरेको थियो ।
यस्तै कम्पनीको खुद ब्याज आम्दानी पनि ४८.३७ प्रतिशतले बढेर १ करोड ९४ लाख १० हजार रुपैयाँ पुगेको छ । गत वर्षको यसैअवधिमा कम्पनीले १ करोड ३० लाख ८२ हजार रुपैयाँ खुद ब्याज आम्दानी आर्जन गरेको थियो ।
यता कम्पनीको सञ्चालन आम्दानी भने ५० लाख १२ हजार रुपैयाँले नोक्सानमा छ । कम्पनीको खराब कर्जा ३.७३ प्रतिशतले बढेर ९.३३ प्रतिशत पुगेको छ । यसैगरी कम्पनीको प्रतिसेयर आम्दानी १५ रुपैयाँ ५५ पैसा र प्रतिसेयर नेटवर्थ १५५ रुपैयाँ ०५ पैसा रहेको छ ।
