काठमाडौं । मेगा बैंकको लाभांश सुरक्षित गर्ने सोमबार अन्तिम दिन रहेको छ । कम्पनीको १२.०७ प्रतिशत लाभांश सुरक्षित गर्ने मंसिर १३ गते सोमबार अन्तिम दिन रहेको हो । बैंकले साधारणसभा र लाभांश प्रयोजनको लागि मंसिर १४ गते बुक क्लोज गर्ने भएको छ ।
तसर्थ आजसम्म नेप्सेमा कायम सेयरधनीले बैंकले प्रस्ताव गरेको लाभांश पाउनेछन् । बैंकले गत आर्थिक वर्षको नाफाबाट लगानीकर्तालाई १० प्रतिशत बोनस सेयर र कर प्रयोजन सहित गरेर २.०७ प्रतिशत नगद लाभांश वितरण गर्ने भएको छ । बैंकले ११औं वार्षिक साधारणसभा मंसिर २८ गते बोलाएको छ । सभा नेपाल प्रज्ञा प्रतिष्ठान, कमलादी काठमाडौंमा बिहान ११ः१५ बजेदेखि सभा सुरु हुने भएको छ ।
