काठमाडौं । मिथिला लघुवित्त वित्तीय संस्थाले पहिलो त्रैमासको वित्तीय विवरण प्रकाशित गरेको छ । कम्पनीले चालु आर्थिक वर्षको पहिलो त्रैमासको वित्तीय विवरण प्रकाशित गरेको हो । पहिलो त्रैमाससम्म आइपुग्दा कम्पनीले खुद नाफा १ करोड ९९ लाख ११ हजार रुपैयाँ आर्जन गरेको छ । कम्पनीले अघिल्लो वर्षको यसैअवधिमा १ करोड ५७ लाख ६३ हजार रुपैयाँ खुद नाफा आर्जन गरेको थियो । जुन अघिल्लो वर्षको तुलनामा यस वर्षको नाफा २६.३१ प्रतिशतले बढी हो ।
यस्तै कम्पनीले खुद ब्याज आम्दानी ३ करोड ३३ लाख ४३ हजार रुपैयाँ आर्जन गरेको छ । कम्पनीले अघिल्लो वर्षको यसैअवधिमा २ करोड ५६ लाख रुपैयाँ खुद ब्याज आम्दानी आर्जन थरेको थियो । जुन अघिल्लो वर्षको तुलनामा यस वर्षको खुद ब्याज आम्दानी ३०.२५ प्रतिशतले बढी हो । यसैगरी कम्पनीको सञ्चालन नाफा ९.९० प्रतिशतले बढेर २ करोड ३७ लाख १८ हजार रुपैयाँ पुगेको छ भने प्रतिसेयर आम्दानी ५८ रुपैयाँ ४१ पैसा र प्रतिसेयर नेटवर्थ २१० रुपैयाँ ०३ पैसा रहेको छ ।
