काठमाडौं । नेपाल पुनर्बिमा कम्पनीद्धारा चौथो त्रैमासको वित्तीय विवरण सार्वजनिक गरेको छ । कम्पनीले गत आर्थिक वर्षको चौथो त्रैमास (चैत) सम्मको वित्तीय विवरण सार्वजनिक गरेको हो । कम्पनीले चौथो त्रैमाससम्ममा निर्जीवन बिमा व्यवसायतर्फ १ अर्ब १ करोड रुपैयाँ खुद नाफा आर्जन गरेको छ भने जीवन बिमातर्फ १५ करोड ४३ लाख रुपैयाँ खुद नाफा आर्जन गरेको छ ।
निर्जीवन व्यवसायबाट ८ अर्ब २३ करोड रुपैयाँ खुद बिमा शुल्क संकलन गरेको छ र जीवन व्यवसायबाट १ अर्ब २० करोड रुपैयाँ खुद बिमा शुल्क संकलन गरेको छ । निर्जीवन व्यवसायतर्फको जगेडा कोषमा २ अर्ब ७१ करोड रुपैयाँ र जीवन बिमातर्फ ६३ करोड ८५ लाख रुपैयाँ रहेको कम्पनीको चुक्ता पुँजी १० अर्ब रुपैयाँ रहेको छ । यस्तै बिमा कोषमा २ अर्ब ४६ करोड रुपैयाँ रहेको छ । कम्पनीको प्रतिसेयर आम्दानी वार्षिक ११ रुपैयाँ ६९ पैसा रहेको छ भने प्रतिसेयर नेटवर्थ १५८ रुपैयाँ १७ पैसा रहेको छ ।
