काठमाडौं । नेपाल इन्फ्रास्ट्रक्चर बैंक (निफ्रा) को लाभांश सुरक्षित गर्ने मंसिर ८ गते बुधबार अन्तिम दिन रहेको छ । कम्पनीले ८.५० प्रतिशत लाभांश सुरक्षित गर्ने बुधबार अन्तिम दिन रहेको हो । साधारण सभा र लाभांश प्रयोजनको लागि कम्पनीले बिहीबार मंसिर ९ गतेदेखि बुक क्लोज गर्ने भएको छ । तसर्थ बुधबारसम्म सेयर खरिद गर्ने लगानीकर्ताले मात्र कम्पनीले प्रस्ताव गरेको लाभांश पाउनेछन् ।
गत वर्षको नाफाबाट कम्पनीले ८ प्रतिशत बोनस सेयर र कर तिर्न ०.५० प्रतिशत नगद लाभांश वितरण गर्ने भएको छ । कम्पनीको मंसिर २९ गते वार्षिक साधारणसभा हुने भएको छ । निफ्राको साधारणसभा अनुपम फुडल्यान्ड एन्ड ब्यांक्वेट बत्तिसपुतली काठमाडौंमा बिहान ९ बजे हुनेछ ।
