काठमाडौं । चालु आर्थिक वर्षको पहिलो त्रैमासमा प्रभु बैंक लिमिटेडको नाफा घटेको छ । बैंकले खुद नाफा २५.१४% ले घटेर ६३ करोड ६३ लाख २१ हजार रुपैयाँमा सीमित भएको जनाएको हो ।

यो अवधिसम्म आउँदा बैंकको वितरणयोग्य नाफा भने ७३.३४५ ले बढेर ३० करोड ४४ लाख ३१ हजार रुपैयाँ पुगेको छ । खुद ब्याज आम्दानी १६.०३% र सञ्चालन नाफा २९.४९% ले घटेको छ ।

यस्तै बैंकले निक्षेप संकलन र कर्जा लगानी भने क्रमशः २४.१३% र १९.३०% ले विस्तार गर्न सफल भएको छ । बैंकको प्रतिसेयर आम्दानी पनि १० रुपैयाँ ५३ पैसाले घटेर २२ रुपैयाँ ४३ पैसामा आएको छ भने प्रतिसेयर नेटवर्थ बढेर १५८ रुपैयाँ ४५ पैसा पुगेको छ ।