काठमाडौं । स्टान्डर्ड चार्टर्ड बैंकले वार्षिक साधारणसभा डाकेको छ । बैंकले मंसिर २८ गते ३५औं वार्षिक साधारणसभा डाकेको हो । उक्त सभा केन्द्रीय कार्यालय नयाँ बानेश्वर काठमाडौंमा बिहान १० बजेदेखि सुरु हुने भएको छ । कोभिड-१९ को महामारीका कारण साधारणसभा भर्चुअल माध्यमबाट हुने बैंकले जनाएको छ । सभामा प्रस्ताव गरिएको १३.०६ प्रतिशत लाभांश वितरण गर्ने प्रस्ताव पारित हुनेछ ।
बैंकको सञ्चालक समिति बैठकले १० प्रतिशत बोनस सेयर र ३.०६ प्रतिशत नगद गरी कुल १३.०६ प्रतिशत लाभांश दिने निर्णय गरेको हो । साथै सभामा गत आर्थिक वर्षको वार्षिक प्रतिवेदन, नाफा–नोक्सान हिसाब तथा नगद प्रवाहमा हुने एजेण्डा रहेको छ । प्रवन्धपत्र तथा नियमावली संशोधन गर्ने एजेण्डा पनि रहेको छ । सभा प्रयोजनका लागि मंसिर १० गते बुक क्लोज गर्ने गरिने भएको छ । तसर्थ मंसिर ९ गतेसम्म नेप्सेमा कायम रहने सेयरधनी मात्र सभामा भाग लिन र लाभांश पाउन सक्नेछन् ।
