काठमाडौं । सपोर्ट लघुवित्त वित्तीय संस्थाको लिलामी सेयरमा आवेदन भर्ने सोमबारसहित २ दिन बाँकी रहेको छ । कम्पनीले कात्तिक २९ गतेबाट १५ हजार ८५० कित्ता संस्थापक समूहको सेयर लिलामी खुला गरिरहेको छ । अब यसमा सोमबार मंसिर १३ गतेसम्म मात्र बोलपत्र आवेदन पेश गर्न सकिने भएको छ ।
कम्पनीले संस्थापक समूहको सेयर लिलामी प्रक्रियामार्फत बिक्री खुला गरेको हो । यसमा न्यूनतम ५५० रुपैयाँ भाउ राखेर आवेदन दिन सकिनेछ । लगानीकर्ताले यसलाई न्यूनतम मूल्य आधार मानेर सो वा सोभन्दा बढी मूल्य अंकित गरी बोलपत्र पेश गर्नुपर्नेछ ।
यो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्ने भएका छन् । लगानीकर्ताले न्यूनतम १०० कित्ता र अधिकतम सम्पूर्ण कित्ताका लागि पनि आवेदन दिन सक्नेछन् । लिलामीको बोलपत्र बिक्री प्रबन्धक आरबीबी मर्चेन्ट बैंकिङ टेकु काठमाडौंमा बुझाउन सकिनेछ ।
