काठमाडौं । विजय लघुवित्त वित्तीय संस्थाले लाभांश घोषणा गरेको छ । कम्पनीको सोमबार बसेको सञ्चालक समिति बैठकले गत वर्षको नाफाबाट २०.०३१ प्रतिशत बोनस सेयर र कर तिर्न १.०५४ प्रतिशत नगद लाभांश वितरण गर्ने निर्णय गरेको हो ।

उक्त लाभांश नियामक नेपाल राष्ट्र बैंकले स्वीकृत गरेपछि र कम्पनीको आगामी वार्षिक साधारणसभाबाट पारित भएपछि मात्र सेयरधनीहरुले पाउने छन् । कमपनीले हाल कायम २६ करोड ६५ लाख ९७ हजार ४८५ रुपैयाँ चुक्ता पुँजीको उक्त लाभांश दिन लागेको हो ।