काठमाडौं । छिमेक लघुवित्त वित्तीय संस्थाको २०औं वार्षिक साधारणसभा पुस २३ गते हुने भएको छ । सभा मकवानपुरको हेटौंडा स्थित होटल सामनामा बिहान ११ बजे हुने भएको हो ।
सभामा कम्पनीले आर्थिक वर्ष २०७७/७८ को नाफाबाट २७% बोनस सेयर र कर प्रयोजनसहित ३% नगद गरी कुल ३०% लाभांश वितरण प्रस्ताव पेश गर्ने भएको छ । गत आर्थिक वर्षको वार्षिक प्रतिवेदन, नाफ–नोक्सान हिसाब तथा नगद प्रवाह विवरणमा पनि छलफल हुनेछ ।
यस्तै कम्पनीको प्रबन्धपत्र र नियमावलीमा संशोधन गर्ने एजेन्डा पनि रहेको छ । कुनै वित्तीय संस्थाहरु गाभ्न र गाभिन परेमा त्यसको सम्पूर्ण अख्तियारी सञ्चालक समितिलाई दिने प्रस्ताव पनि रहनेछ । सभाका लागि कम्पनीले पुस ९ गतेदेखि २३ गतेसम्म बुक क्लोज गरेको छ । जस अनुसार पुस ८ गतेसम्म कायम सेयरधनीले मात्र लाभांश पाउनेछन् ।
