काठमाडौं । एक्सेल डेभलपमेन्ट बैंकले बिक्री खुला गरेको ३० प्रतिशत हकप्रद सेयर मंसिर १६ गते बिहीबार बाँडफाँट भएको छ । बैंकले २४ लाख ३३ हजार ३६३.६७ कित्ता हकप्रद सेयर बिक्री खुला गरेकोमा ६ हजार १८० जना सेयरधनीबाट २४ लाख ६ हजार १०६.४७ कित्ताका लागि मात्र आवेदन परेको थियो भने बिक्रि नभएको २७ हजार २५७.२ कित्ता हकप्रद सेयर पुनः लिलामीमा ल्याउने भएको हो ।

बैंकले असोज २५ देखि कात्तिम २१ गतेसम्म २४ लाख ३३ हजार ३६३.६७ कित्ता हकप्रद सेयर बिक्री खुला गरेको थियो । हाल यस बैंकको चुक्ता पुँजी ८१ करोड ११ लाख रुपैयाँ रहेको छ । हकप्रद र लिलामी सेयर बिक्रीपछि यसको चुक्ता पुँजी १ अर्ब ५ करोड रुपैयाँ पुग्नेछ ।