काठमाडौं । फरवार्ड माइक्रोफाइनान्स लघुवित्तले पुस ३० गते वार्षिक साधारणसभा बोलाएको छ । कम्पनीले कुल ४२% लाभांश प्रस्ताव पारित गर्न पुस ३० गते वार्षिक साधारणसभा बोलाएको हो ।
सभामा गत वर्षको नाफाबाट ३५% बोनस सेयर र ७% नगद लाभांश वितरण गर्ने प्रस्ताव पेश हुनेछ । यस्तै, कम्पनीको जारी तथा पुँजी वृद्धि गरी प्रबन्धपत्र तथा नियमावली संशोधन गर्ने प्रस्ताव पनि छ । सभामार्फत संस्थापक समूहबाट ४ जना र सर्वसाधारण समूहबाट २ जना सञ्चालकको निर्वाचन हुनेछ ।
यस्तै अन्य कुनै लघुवित्तसँग मर्जर वा एक्विजिसन गर्नु परेमा सम्पूर्ण कामको अख्तियारी सञ्चालक समितिलाई दिइने भएको छ । सभाका लागि कम्पनीले पुस १६ गतेदेखि बुक क्लोज गर्ने भएको छ । जस अनुसार पुस १५ गतेसम्म कायम रहने सेयरधनीले मात्र लाभांश पाउनेछन् ।
