काठमाडौं । साताको कारोबारको पहिलो दिन आईतबार सुनको मूल्य घटेकोे छ । शुक्रबार ९४ हजारमा कारोबार भईरहेको छापावाला सुन आज ४ सय रुपैयाँले घटेर ९३ हजार ६ सय रुपैयाँमा कारोबार भईरहेको छ ।

यता चाँदीको मूल्य पनि ५ रुपैयाँले घटेर प्रतितोला १ हजार २ सय ४५ रुपैयाँमा कारोबार भइरहेको छ । नेपाल सुनचाँदी व्यवसायी महासंघले आज प्रति १० ग्राम सुनको मूल्य ८० हजार २ सय ४५ रुपैयाँ तोकेको छ भने प्रति १० ग्राम चाँदीको मूल्य १ हजार ६७ रुपैयाँ ५० पैसा कायम गरेको छ ।