काठमाडौँ । मुक्तिनाथ विकास बैंकको पन्धौं वार्षिक साधारणसभा सम्पन्न भएको छ । बैंकको होटल जलमहर घारिपाटन पोखरामा मंसिर २५ गते सम्पन्न सभाले गत आर्थिक वर्षको प्रस्तावित लाभांशलगायतका एजेण्डा पारित गरेको छ ।
सभाले सञ्चालक समितिले प्रस्ताव गरे अनुरुप गत आर्थिक वर्ष २०७७/७८ को नाफाबाट १७.५७% प्रतिशत बोनस सेयर र कर प्रयोजनको लागिसमेत ०.९२% प्रतिशत नगद लाभांश गरी कुल १८.५० प्रतिशत लाभांश वितरण गर्ने प्रस्ताव पारित गरेको छ ।
हाल बैंकको चुक्ता पूँजी ४ अर्ब ८१ करोड १५ लाख ५० हजार रुपैयाँ रहेको छ । बोनस पारित गरेपछि बैंकको पूँजी ५ अर्ब ६५ करोड ७१ लाख ८० हजार ८५६ रुपैयाँ पुगेको छ। यस्तै सभाले अन्य उपयुक्त संस्थासँग मर्जर तथा प्राप्तिका लागि सञ्चालक समितिलाई अख्तियारी दिने, आर्थिक वर्ष २०७७/७८ को वित्तीय प्रतिवेदन, लेखापरीक्षक नियुक्ति, मुक्तिनाथ क्यापिटलको वित्तीय विवरण पारित गर्ने, सञ्चालक समितिका अध्यक्ष तथा सञ्चालकको सेवा सुविधा पुनरावलोकनसमेत गरेको छ ।
