">
विसं २०७२ वैशाखको भूकम्पले क्षतिग्रस्त विश्व सम्पदा सूचीमा सूचिकृत हनुमानढोका दरबार क्षेत्रमा टेकोका भरमा ठडिएको शिवपार्वती मन्दिरको साढे छ वर्षपुग्दा समेत अझै पुनर्निर्माण पुरा हुन सकेको छैन । जिर्ण मन्दिरको छिँडीमा जाडोमा घाम ताप्न सर्वसाधारण बस्दा झनै जोखिम बढेको छ ।
म्याग्दीको बेनी नगरपालिका, रघुगङ्गा र मङ्गला गाउँपालिकाको सिमानामा अवस्थित टोड्केमा उत्पादन भएको मुला समाएर पृष्ठभूमिमा अन्नपूर्ण हिमालसहित तस्बिर खिचाउँदै स्थानीय युवती । पर्यटकीय सम्भावनायुक्त टोड्के मुला खेतीका लागि प्रसिद्ध छ ।
म्याग्दीको अन्नपूर्ण गाउँपालिका–७ महभिरबाट देखिएको नीलगिरि हिमाल ।
तनहुँको म्याग्दे गाउँपालिका–१ गुणादीमा सञ्चालित गुडिया तथा सजावटका सामग्री बनाउने तालिममा सीप सिक्दै सहभागी । गरिबी निवारणका लागि लघु उद्यम विकास कार्यक्रममार्फत् सञ्चालित तालिममा १८ जनाको सहभागिता छ ।
पोखरा– २८, लामतारीका स्थानीय किसान दाइँ हाल्दै । पछिल्लो समय थ्रेसरको प्रयोग बढेसँगै दाइँ संस्कृति कम हुन थालेको छ ।
नृत्य प्रस्तुतका लागि मगर समुदायको परम्परागत पहिरनमा सजिएका किशोरी ।
जुम्लाको तिला गाउँपालिका –१ मा परम्परागत पानी घट्ट । बढ्दो आधुनिकतासँगै कुटानी पिसानीको प्रविधि आएपनि यहाँका स्थानीयवासी अझै पानी घट्टमै पिठो पिस्न बाध्य छन् ।
रामजानकी विवाह पञ्चमी महोत्सवका अवसरमा सजाइएको जनकपुरधाम । त्रेता युगमा अयोध्याका राजकुमार राम र मिथिलाका राजा जनककी छोरी सीताको बिहे भएको सम्झनामा बुधबार विवाह पञ्चमी महोत्सवको जनकपुरधाममा रौनक छाएको छ ।
