काठमाडौँ । साना किसान लघुवित्त वित्तीय संस्थाको २०औं वार्षिक साधारणसभा पनि आइतबार हुने भएको छ । कम्पनीको सभा नेपाल प्रशासनिक प्रशिषण प्रतिष्ठान, जावलाखेल ललितपुरमा बिहान ११ बजेदेखि हुने भएको हो ।
सभाले २५ प्रतिशत बोनस सेयर र १ दशमलव ३१ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ । यस्तै आव २०७७/७८ को वार्षिक प्रतिवेदन छलफल गरी पारित गर्ने र आव २०७८/७९ को लागि लेखापरीक्षकको नियुक्ति गर्ने र निजको पारीश्रमिक निर्धारण गर्ने प्रस्ताव पनि पारित गर्नेछ ।
कम्पनीले सभा प्रयोजनको लागि पुस ५ गतेदेखि १८ गतेसम्म बुक क्लोज गर्ने भएको छ । जस आधारमा पुस ४ गतेसम्म कायम सेयरधनीले साधारणसभामा भाग लिन र लाभांश पाउनेछन् ।
