काठमाडौं । शाइन रेसुंगा डेभलपमेन्ट बैंकको साधारणसभा बुधबार (मंसिर २९ गते) हुने भएको छ । सभा महाराजा रिसोर्ट, बुटवल रुपन्देहीमा बिहान ११ बजे हुने भएको हो । बैंकले सभामा ११.५% लाभांश वितरण गर्ने प्रस्ताव पेश गर्ने भएको छ ।
बैंकले गत वर्षको नाफाबाट लगानीकर्तालाई १०.९३% बोनस सेयर र कर तिर्न ०.५७% नगद लाभांश वितरण गर्ने भएको हो । यस्तै सभामा अन्य कुनै उपयुक्त बैंक तथा वित्तीय संस्थासँग मर्ज अथाव एक्विजिसनका लागि आवश्यक सम्पूर्ण कार्यहरु गर्न/गराउन सञ्चालक समितिलाई अख्तियारी दिने एजेन्डा पनि रहेको छ ।
आर्थिक वर्ष २०७७/७८ को वार्षिक प्रतिवेदनमा छलफल गर्ने र नाफा–नोक्सान हिसाब पारित गर्ने एजेन्डा रहेको छ । लेखापरीक्षक नियुक्त गरी पारिश्रमिक निर्धारण गर्ने प्रस्ताव पनि पेश हुँदैछ । सभाका लागि बैंकले मंसिर १७ गतेबाट सभा हुने दिनसम्म बुक क्लोज गरेको छ ।
