काठमाडौं । चालु आर्थिक वर्षको दोस्रो त्रैमासमा साधना लघुवित्त वित्तीय संस्थाको खुद नाफामा ११५.९१% को आकर्षक वृद्धि भएको छ । कम्पनीले खुद नाफा ११५.९१% ले बढाएर ७ करोड ५७ लाख ७४ हजार रुपैयाँ कमाएको जनाएको हो । अघिल्लो वर्षको यसै अवधिमा यस कम्पनीले ३ करोड ५० लाख ९५ हजार रुपैयाँ खुद नाफा कमाएको थियो ।
पुस मसान्तसम्म आउँदा खुद ब्याज आम्दानी ६१.४६% ले बढेर १४ करोड ८८ लाख ५० हजार रुपैयाँ पुगेको छ भने सञ्चालन नाफा १०९.४४% ले बढेर १० करोड ४१ लाख ५६ हजार रुपैयाँ पुगेको छ । कम्पनीको प्रतिसेयर आम्दानी १४ रुपैयाँ ९५ पैसाले बढेर ४७ रुपैयाँ १८ पैसा पुगेको छ । प्रतिसेयर नेटवर्थ १४२ रुपैयाँ ६२ पैसा छ ।
