काठमाडौं । नेपाल लाइफ इन्स्योरेन्सको वार्षिक साधारणसभा हुने भएको छ । कम्पनीको चैत २१ गते सोमबार वार्षिक साधारणसभा हुने भएको हो । उक्त सभा होटल भिष्वा, वीरगंज पर्सामा हुने भएको छ । सभा बिहान ९ बजेदेखि सुरु हुनेछ । सभमा कम्पनीले प्रस्ताव गरेको १४.७३ प्रतिशत लाभांश वितरण गर्ने प्रस्ताव पारित हुने भएको छ ।
कम्पनीले आर्थिक वर्ष २०७६/७७ को नाफाबाट १४ प्रतिशत बोनस र कर प्रयोजनका लागि ०.७३ प्रतिशत नगद लाभांश वितरण गर्ने भएको हो । यसैगरी सभामा कम्पनीको हाल कायम पुँजी संरचनामा परिवर्तनको प्रस्ताव पनि रहेको छ ।कम्पनीको प्रबन्धपत्र तथा नियमावलीमा संशोधन गर्ने प्रस्ताव पारित गर्नेछ । यस्तै २०७६/७७ को नाफा नोक्सान हिसाबकिताब सम्बन्धमा छलफल गर्ने एजेन्डा पनि रहेको छ ।
सभाले २०७७/७८ को लागि लेखा परीक्षकको नियुक्ति र पारिश्रमिक तोक्नेछ । सभा प्रयोजनका लागि कम्पनीले चैत ७ सोमबार बुक क्लोज गर्ने भएको छ । तसैथ चैत ६ गते आइतबारसम्म नेप्सेमा कायम सेयरधनीले मात्र लाभांश सुरक्षित र सभामा भाग लिन पाउनेछन् ।
