काठमाडौं । नेपाल एसबीआई बैंकले ३ अर्ब रुपैयाँ बराबरको ऋणपत्र बिक्री गर्ने भएको छ । बैंकले प्रतिइकाई १ हजार रुपैयाँ दरमा ३० लाख इकाई ऋणपत्र बिक्री गर्न नेपाल धितोपत्र बोर्डमा आवेदन दिएको हो । जसमध्ये १२ लाख इकाई सर्वसाधारणका लागि खुला हुनेछ ।

बाँकी १८ लाख इकाई भने बैंकले आफ्नै पहलमा अन्य संघसंस्थालाई बिक्री गर्नेछ । बैंकले सो ऋणपत्रमा वार्षिक ९.२५% ब्याजदर दिनेछ । बैंकले ५ वर्ष अवधिको एसबीआई बैंक डिबेन्चर २०८३’ नाममा ऋणपत्र जारी गर्न लागेको हो ।

यसमा बिक्री प्रबन्धकको काम सानिमा क्यपिटलले गर्नेछ । बैंक अब बोर्डले अनुमति दिएपछि बिक्री प्रक्रिया अघि बढाउने जनाएको छ ।