काठमाडौं । समृद्धि फाइनान्सको ५० प्रतिशत हकप्रद सेयरमा आवेदन दिने आज फागुन २९ गते आइतबार अन्तिम दिन रहेको छ । लगानीकर्ताले आज कार्यालय समयभित्र यसमा आवेदन दिन सक्ने भएका छन् । कम्पनीले फागुन ८ गतेबाट २ः१ अनुपातमा २७ लाख २९ हजार ७०५ कित्ता हकप्रद सेयर बिक्रीमा ल्याएको हो ।

कम्पनीले हकप्रद सेयर निष्कासन गर्नको लागि पुस ११ गते बुक क्लोज गरेको थियो । बुक क्लोज मितिभन्दा अघिल्लो दिनसम्म कायम रहेका सेयरधनीहरुले मात्र हकप्रद सेयर भर्न पाउने छन् । उक्त हकप्रद सेयरमा लगानीकर्ताहरुले प्रतिकित्ता १०० रुपैयाँ दरले आवेदन दिन पाउनेछन् ।

कम्पनीको हकप्रद सेयरमा बिक्री प्रबन्धक बीओके क्यापिटल नारायणचौर नक्साल तथा समृद्धि फाइनान्सको केन्द्रीय कार्यालय हेटौंडा-१ मकवानपुरबाट आवेदन दिन सकिनेछ । यसैगरी लगानीकर्ताले समृद्धिको बुटवल, पोखरा, नारायणघाट र पुतलीसडक काठमाडौं शाखा र सि-आस्वा तथा मेरो सेयरमार्फत अनलाइनबाट पनि आवेदन दिन सक्नेछन् ।