काठमाडौँ। नेपाल राष्ट्र बैंकको ६७औं वार्षिकोत्सवको अवसरमा नेपाल राष्ट्र बैंक विराटनगरद्वारा २०७९ वैशाख ९ र १० गते विराटनगरस्थित द स्पोर्टस् हबमा आयोजित प्रदेश स्तरीय अन्तर बैंक फुटसल प्रतियोगिताको उपाधि नविल बैंकले जितेको छ । बैशाख १० गते शनिवार सम्पन्न फाइनल खेलमा एनईसी एशिया बैंकलाई १–० ले पाखा लगाउदै नविल बैंकले उपाधि हात पारेको हो । खेलको दोस्रो हाफमा नविल बैंकका रोशन तामाङले गरेको गोल नै निर्णायक हुनपुग्यो ।
उक्त प्रतियोगितामा प्रदेश नं. १ स्थित बैंक तथा वित्तीय संस्थाका कुल ३३ टीमको सहभागीता रहेको थियो । प्रतियोगितामा प्रथम र द्वितीय हुने टीमलाई बैशाख १४ गते नेपाल राष्ट्र बैंक विराटनगर परिसरमा हुने बैंकको ६७औँ वार्षिकोत्सव समारोहमा ट्रफी, मेडल तथा प्रमाण पत्र सहित पुरस्कृत गरिनेछ ।
