काठमाडौं । सामलिङ पावरको वार्षिक साधारणसभा आज सोमबार हुँदैछ । सभा कार्की ब्यांक्वेट बबरमहल काठमाडौंमा बिहान ११ बजेदेखि हुने भएको हो ।

सभामा आर्थिक वर्ष २०७७/७८ को वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव रहेको छ । यस्तै आर्थिक वर्ष २०७८/७९ को लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहेको छ ।

यता सभामा कम्पनीले हाल कायम रहेको सञ्चालक समितिको संख्या ११ बाट घटाएर ७ जना बनाउने एजेन्डा रहेको छ । यसका लागि कम्पनीको नियमावली संसोधन गर्ने एजेन्डा पनि रहेको छ । सभा प्रयोजनका लागि कम्पनीले चैत ७ गते बुक क्लोज गरेको थियो । जस कारण चैत ६ गतेसम्म नेप्सेमा कायम रहेका सेयरधनीले मात्र सभामा भाग लिन पाउने भएका छन् ।