×

Live on

रेडियो अर्थ सरोकार

Listen to live radio.

‘सिंगो अर्थतन्त्रलाई सेयर बजारसँग तुलना गर्नु मिल्दैन, अनुउत्पादक क्षेत्रको लगानी रोक्न राष्ट्र बैंक तयार छ’ : गभर्नर

GLOBAL IME BANK
KAMANA SEWA BIKAS BANK

‘सिंगो अर्थतन्त्रलाई सेयर बजारसँग तुलना गर्नु मिल्दैन, अनुउत्पादक क्षेत्रको लगानी रोक्न राष्ट्र बैंक तयार छ’ : गभर्नर

८ जेष्ठ २०७९, आईतवार

पढ्न लाग्ने समय: १ मिनेटभन्दा कम

काठमाडौं । नेपाल राष्ट्र बैंकका गभर्नर महाप्रसाद अधिकारीले सिंगो अर्थतन्त्रलाई सेयर बजारसँग तुलना गर्न नमिल्ने बताएका छन् । नेपाल उद्योग वाणिज्य महासंघको आर्थिक स्थायित्वका लागि महासंघको पहल विषयक अन्तर्क्रिया कार्यक्रममा बोल्दै गभर्नर अधिकारीले यस्तो बताएका हुन् ।

अधिकारीले आयात बढेकै कारण समस्या परेको बताउँदै सेयर बजारलाई हरेक विषयसँग तुलना गर्न नहुने बताएका हुन् । अनुउत्पादक क्षेत्रमा हुने लगानी रोक्न राष्ट्र बैंकको निति सधैँ तयार रहेको उनको भनाई छ । साथै वर्तमान अर्थतन्त्र सकारात्मक नभएकाले सबै सजग बन्नु पर्नेमा गभर्नर अधिकारीले जोड दिएका छन् ।

कार्यक्रममा अधिकारीले एलसी खोल्दा नगद मार्जिनको नीति लिएपछि व्यवसायीले भन्सारको बाटो छलेर सामान ल्याइरहेको समेत बताएका छन् । यस्तै अधिकारीले आजका दिनमा अर्थतन्त्रको अवस्था सकारात्मक नभएको र एकै वर्षमा २/३ अर्ब डलरको रिजर्भ घट्नु गम्भीर विषय रहेको पनि बताए ।

गभर्नर अधिकारीले अहिले नाफा कमाउनेभन्दा पनि अर्थतन्त्र जोगाउने समय रहेको बताए । पछिल्लो समय कोरोना महामारीपछि बजारमा माग बढेको अनुपातमा आपूर्ति बढ्न नसक्दा पनि अर्थतन्त्रमा समस्या देखिएको गभर्नर अधिकारीको भनाइ छ ।

CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: