×

Live on

रेडियो अर्थ सरोकार

Listen to live radio.

हप्तादिनमै खानेतेलको मूल्य प्रतिलिटर ५० रुपैयाँले बढ्यो, खुलेआम कालोबजारी गर्दा उपभोक्ता भने महंगीको मारमा

GLOBAL IME BANK
SHREE KESH

हप्तादिनमै खानेतेलको मूल्य प्रतिलिटर ५० रुपैयाँले बढ्यो, खुलेआम कालोबजारी गर्दा उपभोक्ता भने महंगीको मारमा

६ जेष्ठ २०७९, शुक्रबार

पढ्न लाग्ने समय: १ मिनेटभन्दा कम

काठमाडौं । हप्तादिनमै खानेतेलको मूल्यमा उच्च वृद्धि भएको छ । बजारमा हप्तादिनमै खाने तेलको मूल्य प्रतिलिटर ५० रुपैयाँले बढेको हो । गत हप्तासम्म सनफ्लावर तेलको मूल्य प्रतिलिटर अधिकतम ३२० रुपैयाँमा बिक्री वितरण भईरहेको छ । तर अहिले सोही तेलको मूल्य प्रतिलिटर ३७० रुपैयाँसम्म बिक्री भइरहेको छ ।

अहिले उद्योगीहरूले उत्पादन गरी बजारमा पठाउने तेलको मूल्य प्रतिलिटर नै ४० रुपैयाँदेखि ५० रुपैयाँसम्म मूल्य बढाएर पठाइरहेको नेपाल खुद्रा व्यापार संघले जनाएको छ । नेपालमा एक दर्जनभन्दा बढी तेल उद्योग छन् । तेलको मूल्य उच्चरुपमा बढ्न थालेपछि साना-साना खुद्रा व्यापारीहरूले तेल नै बिक्री गर्न छोडिसेकेको छ । साथै ठूला होलसेल व्यवसायीहरूले सीमित मात्रामा तेल खरिद गरी बिक्री गरिरहेका छन् ।

यता तेलको मूल्य बढेसँगै व्यवसायीहरूले सीमित परिमाणमा तेल बिक्री गरिरहेको छ । बजारमा अहिले फरच्युन तेल प्रतिलिटर ४०० रुपैयाँमा बिक्री वितरण भइरहेको छ भने सनफ्लावर ३५० रुपैयाँमा बिक्री वितरण भइरहेको छ । यस्तै धारा सन्फ्लावर तेल ३७० रुपैयाँ, सेफको ३४० रुपैयाँ, कुकको ३४० रुपैयाँ, पतञ्जली सनफ्लावर ४२५ रुपैयाँ, अमृत तेल ३५० रुपैयाँ, प्रकृति सनफ्लावर ३४५ रुपैयाँमा बिक्री वितरण भइरहेको छ । भटमासको तेल ३२० रुपैयाँदेखि ३४० रुपैयाँमा बिक्री भइरहेको छ ।

बजारमा खुलेआम कालोबजारी हुँदा पनि सरकारले ध्यान नदिँदा उपभोक्ता दिनहुँ महंगीको मारमा परेका छन् । उद्योगीहरूले मूल्य बढ्नुको मुख्य कारण रुस-युक्रेनबीचको द्वन्द्व रहेको जनाएको छ । उद्योगीहरू भने अन्तर्राष्ट्रिय बजारमा मूल्य बढेकाले नेपाली बजारमा पनि सोहीअनुसार मूल्य बढेको दाबी गर्दै आएका छन् ।

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: