यसो त उच्च अदालत विराटनगरले सप्तकोशी डेभलपमेन्ट बैंकका सीईओसहित तीन कर्मचारीलाई पूर्पक्षका लागि कारागार चलानको आदेश दिइसकेको छ र यो केस अहिले पनि चलिरहेको छ । बैंकको कर्पोरेट कार्यालय विराटनगरबाट १५ करोड ७५ लाख ४० हजार ५ सय ७५ रुपैयाँ अपचलन गरेको आरोपमा पक्राउ परेका बैंकका तत्कालीन सीईओ नविन सुवेदीसहित तीनजना कर्मचारीलाई उच्च अदालत विराटनगरले कारागार चलानको आदेश यसअघि नै दिएको थियो । पक्राउ परेका बैंकका अपरेसन प्रमुख अमित थापामगरलाई भने दुई लाख रुपैयाँ धरौटीमा छोडने आदेश दिइसकिएको छ । यद्यपी उनको मुद्धा सकीईसकेको वा उनी निर्दोष ठहर भएको भने होइन।

सप्तकोशी बैंकबाट सुवेदीको योजनामा १५ करोड ७५ लाख ४० हजार ५ सय ७५ रुपैयाँ अपचलन गरेको आरोप बैंकका ९ जना कर्मचारी र ३ जना खातावाला गरी १२ जनालाई प्रतिवादी बनाएर उच्च अदालतमा बैंकिङ कसुर मुद्दा दर्ता भएको थियो ।

हेर्नुहोस् अर्थ सरोकारलाई प्राप्त ३९  पाना लामो एक्सक्लुसिभ अभियोगपत्र जसले घटनाक्रमबारे धेरै बुझ्न मद्धत गर्दछ।