काठमाडौं । जेठ ३ गतेदेखि शुक्रबार पनि सेयर कारोबार हुने भएको छ । नेप्सेको संचालक समितिको बैठकले शुक्रबार पनि सेयर कारोबार गर्ने निर्णय गरेको हो । सरकारले आइतबारको सार्वजनिक बिदा खारेज गरेसँगै नेपाल स्टक एक्सचेन्ज ले शुक्रबार पनि सेयर कारोबार सञ्चालन गर्ने निर्णय गरेको हो ।
सोहीअनुसार आजदेखि पहिलो पटक शुक्रबार पनि सेयर कारोबार हुने भएको हो । शुक्रबार भने बिहान ११ बजेदेखि १ बजेसम्म २ घण्टा मात्रै कारोबार हुने भएको छ ।
आइतबारदेखि बिहीबारसम्म दिनको ४ घण्टा अर्थात बिहान ११ बजेदेखि दिउँसो ३ बजेसम्म सेयर कारोबार हुनेछ । यसअघि शनिबार र आइतबार सार्वजनिक बिदा गर्ने सरकारको निर्णयपछि नेप्सेले शुक्रबार सेयर कारोबार खुला गरेर आइतबार बन्द गर्दै आएको थियो ।
