काठमाडौं । पेट्रोलियम पदार्थको मूल्य बढेसँगै सार्वजनिक यातायातको भाडा पनि बढेको छ । यातायात व्यवस्था विभागले असार ६ गतेदेखि लागू हुने सार्वजनिक यातायातको भाडा बढाएको हो । विभागले ७.७ प्रतिशतसम्म भाडा बढाएको छ ।
मूल्य समायोजन प्रणाली अनुसार स्वचालित रुपमा अन्तर प्रदेश सार्वजनिक यातायातको भाडा बढ्ने वा घट्ने व्यवस्था अनुसार भाडा बढाइएको विभागले जनाएको छ । पछिल्लो मूल्य समायोजनामा आधार लिइएको मूल्यभन्दा १६.३६ प्रतिशतले इन्धनको मूल्य बढेकाले भाडा बढाइएको हो ।
विभागले यात्रुबाहक सवारीमा ५.३० प्रतिशत, पहाडी बाटोमा सञ्चालन हुने मालबाहक सावरी साधनमा ६.९४ प्रतिशत र तराईको बोटोमा सञ्चालन हुने मालबाहक सवारी साधनको भाडा ७.७ प्रतिशतले बढाएको हो ।
