">
काठमाडौं । खर्बपति विनोद चौधरीले आफ्नो सुझावलाई सम्बोधन गर्दे सरकारले आइतबार सार्वजनिक बिदा खारेज गरेको बताएका छन् । नेपाली कांग्रेसका सांसद तथा उद्योगी चौधरीले सामाजिक सञ्जालमार्फत् यस्तो बताएका हुन् ।चौधरीले संघीय संसद अन्तर्गतको अर्थ समितिको बैठकमा आइतबार र शनिबार दुई दिन बिदा दिने सरकारको निर्णय व्यावहारिक नरहेको भन्दै सोको सम्शोधन गर्न सरकारलाई सुझाव दिएका थिए ।
इन्धन खपत कम गर्न भन्दै सरकारले जेठ १ गतेदेखि लागू हुने गरी हप्तामा २ दिन शनिबार र आइतबार सार्वजनिक बिदा नीति लागू गरेको छ । दुई दिन बिदा दिने निर्णय व्यवहारिक नभएको भन्दै विभिन्न सरोकारवाल पक्षबाट चर्को आलोचना भएपछि मन्त्रिपरिषदको बैठकले असार १ गतेदेखि सो नीति खारेज गर्ने निर्णय गरेको हो ।
मंगलबार खर्बपति चौधरीले सामाजिक सञ्जालमा लेखेका छन्,-‘गत जेठ १० गते संसदको अर्थ समितिको बैठकमा आईतबार बिदा दिने भनी गरिएको निर्णय उचित नभएको विषय उठाएको थिएँ । सरकारले यसमा पुनर्विचार गर्दै असारबाट कार्यान्वयन नगर्ने निर्णय गरेकोमा हार्दिक धन्यवाद ।’
