×

Live on

रेडियो अर्थ सरोकार

Listen to live radio.

Civil Bank

जीवन बिकास लघुवित्तमा कर्मचारीले ग्राहक झुक्याए, सुटुक्क सहि गर्न लगाएर पैसा निकाले, आफ्नै मान्छेको ऋण तिरिदिए

CITY EXPRESS AD
BIZBAZAR AD

काठमाडौँ । लघुवित्तमा समूहको कारोबारमा बस्नेहरुले एउटालाई पर्दा अर्कोले सहयोग गर्नु कुनै नौलो कुरा होइन । कुनै ऋणीले किस्ता तिर्न नसक्दा अरु समूहका सदस्यहरुले पैसा हालिदिनु पनि नौलो कुरा होइन । यसका लागि सम्बन्धित सदस्यको स्वीकृति अनिवार्य पर्छ । तर सदस्यको स्वीकृति लिनुभन्दा उनीहरुलाई झुक्याएर पैसा निकाल्ने, किस्ता तिर्न नसक्नेको किस्ता तिरिदिने र सबै ठिक छ भनेर हिसाब मिलान गरिने गरेको रहस्य बाहिरिएको छ । लघुवित्तको झापास्थित खुदुनाबारी शाखाका कर्मचारी रोमन थापाले सदस्यलाई झुक्यानमा पारी एउटाको खाताबाट पैसा निकालेर अर्काको ऋण तिरिदिएको रहस्य बाहिर आएको हो ।

भएको के हो ?
संस्थाका कर्मचारी रोमन थापाले भावना शिवाकोटी लगायत केहि सदस्यहरुलाई झुक्याएर ‘यहाँनेर सहि गरिदिनुपर्यो, हाम्रो लघुवित्तको नियम हो, हाजिर गर्नुपर्यो’ भनी झुक्यानमा पारेको, र सो हस्ताक्षरलाई देखाएर निजको खाताबाट रकम निकाली टीकामाया सेन्चुरीको ऋण तिरिदिएको शिवाकोटी र उनका श्रीमान झलक कार्कीको गुनासो छ । उनीहरुका अनुसार पैसा झिकिने नभनी, संस्थाको नियम भनेर सहि गर्न लगाएर पैसा काटिएको छ । जसमा शिवाकोटीको स्वीकृति नै नभएको शिवाकोटी र उनका श्रीमान् झलक कार्कीको भनाई छ । सेन्चुरीले समयमा किस्ता तिर्न नसक्दा उनको किस्ताको हिसाब मिलानका लागि रोमन थापाको मिलेमतोमा यस्तो काम भएको शिवाकोटीका श्रीमान् कार्कीको दाबी छ ।

के भन्छ कम्पनी ?
यस विषयमा रोमन थापाले शिवाकोटी लगायतकाको खाताबाट रकम झिकेर टीकामाया सेन्चुरीको ऋण तिरिदिएको स्वीकारेका छन् । ‘लघुवित्तमा यस्तो चलिहाल्छ ।’ अर्थ सरोकारसँग कुराकानी गर्दै उनले भने, ‘हामीसँग बकाईदा भावना शिवाकोटीको हस्ताक्षर छ । हामीले स्वीकृति नै लिएर उहाँको खाताबाट रकम निकाली सेन्चुरीको पैसा तिरिदिएको हो ।’ ‘अनि उहाँले त झुक्याएर तपाईंले सहि गराउनुभयो भन्ने आरोप लगाउनुभएको छ नि ?’ हाम्रो प्रश्नमा अलि अकमकिदै उनले भने, ‘झुक्याएको होइन । सोधेरै गरेको हो । उहाँ र म एक्लै भएको भए पो झुक्यायो भन्नु, त्यहाँ त धेरै मान्छेहरु थिए । सबैको अगाडी उहाँले सहिगर्नुभएको हो ।’

यता लघुवित्तका प्रमुख कार्यकारी अधिकृत संजय कुमार मण्डलले पनि आफ्ना कर्मचारीले एउटाको रकम झिकेर अर्कोको ऋण तिरिदिएको स्वीकारेका छन् । ‘तपाईंले भनेपछी मैले पनि बुझें । हाम्रो कर्मचारीले खातावालालाई सोधेरै, सहि गराएरै पैसा झिकेका रहेछन् र अर्काको किस्ता तिरिदियेका रहेछन् ।’ अर्थ सरोकारसँग कुराकानी गर्दै उनले भने, ‘गाउँघरमा यस्तो कहिलेकाहीं चल्छ । लघुवित्तमा त झनै चल्ने नै भयो ।’

‘तर ग्राहकको अनुमतिविना त कसरी त्यस्तो गर्न मिल्छ र ?’ हाम्रो प्रश्नमा सीइओ मण्डलले भने, ‘सहमतिविना त गर्न मिल्दैन । पहिला सहमति भयो होला, पछी श्रीमानले किन त्यस्तो गरेको भनेपछि उहाँ असहमत हुनुभयो होला । हामीले अव यस्तो नगर्नु र सम्बन्धित खातावालाको पैसा भोलि नै तिरिदिनु भनिसकेका छौं । भोलि नै खातावालाको पैसा फिर्ता हुन्छ ।’

Hamro Parto AD
MEGA BANK AD
https://ntc.net.np/post/summer-offer-2022?r=Rq6n92

प्रतिक्रिया दिनुहोस्

सिफारिस:

GOLDEN OAK AD
अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा [email protected] मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal