काठमाडौँ । कुनै समय यस्तो थियो, बैंकको फ्रन्ट डेस्कमा ‘मेरो ब्यालेन्स हेरिदिनुस् न’ भन्नेहरुको लाइन सानो हुँदैनथियो । अहिले पनि कतिपय बैंकहरुमा यो स्थिति यथावत छ । बैंकको एटिम मेशिनमा गएर ब्यालेन्स चेक गर्ने चलन त अहिले पनि धेरै ग्राहकको छ । मोबाइल हरायो भने मोबाइल बैंकिङको सेवा तत्काल बन्द गर्न होस्, वा मोबाइल बैंकिङ सुचारु गर्न, बैंक नै धाउनुपर्ने स्थिति धेरै अघिको होइन । नयाँ चेकको आवेदन दिन होस् वा, स्टेटमेन्टको लागि आवेदन दिन होस्, आज पनि बैंकमा धाउनेहरुको संख्या सानो छैन । तर एनआईसी एशिया बैंकले ल्याएको ‘आईसर्भ’ बैंक धाउनुपर्ने धेरै कामका लागि घरमै बसीबसी साथ दिने ‘साथी’ बनेको छ । जसबाट बैंकका अधिकांस काम घरबाटै, वा अफिसमै बसेर गर्न सकिन्छ । ग्राहकले गरेको कुनै पनि खालको बैंकिङ अनुरोध अनलाइनबाट नै सम्बोधन हुन्छ । र त अनलाइन बैंकिङ चलाउनेहरुका लागि एनआईसी एशिया बैंकको ‘आईसर्भ’ बरदान सावित भएको छ ।

आइसर्भ छोटो शब्दमा भन्नुपर्दा एनआईसी एशिया बैंकको अनलाइन सिष्टम हो । विशेषगरी ग्राहकले अनलाइनबाट नै विभिन्न सेवा पाउन्, र धेरै सेवाका लागि बैंकसम्म धाउन नपरोस् भनेर बैंकले ठुलो जनशक्ति लगाएर बनाएको सिष्टम हो यो । यो सिष्टमबाट मोबाइल बैंकिङ सम्बन्धि सेवा, ग्राहकसँग सम्बन्धित सेवा, टेलरमा पाइने सेवा, कार्डसम्बन्धि सेवा लगायतका सेवाहरु उपलब्ध छन् । ग्राहकले आवश्यकता अनुसार आइसर्भमा सेवाका लागि आवेदन दिन सक्नेछन् । त्यसपछि ग्राहकको अनुरोध बैंकसम्म पुग्छ । बैंकको ‘सपोर्ट सिष्टम’मा बसेका कर्मचारीले सो आवेदनको प्रक्रिया पूरा गरी आवश्यक सम्बोधन गर्छन् । र बैंक नै नगई घरमै बसीबसी धेरै बैंकिङ सेवाहरु बैंकबाट उपलब्ध गराउँछ । कतिपय सामान्य सेवादेखि कतिपय जटिल भनिएका सेवाहरु पनि यो बैंकले आईसर्भबाट नै उपलब्ध गराउँछ । ग्राहक र बैंकबीच पुलझैँ बनेको आईसर्भ अहिले दैनिक हजारौँ ग्राहकहरुको साथी बनिरहेको छ । र योआईसर्भबाट नै सेवा लिनेहरुको संख्या पनि दिनानुदिन बढीरहेको छ ।

आईसर्भका माध्यमबाट मोबाइल बैंकिङका लागि नयाँ आवेदन दिन सकिन्छ । तपाईंलाई मोबाइल बैंकिङ चाहियो भने सिधै त्यहाँ रहेको New Registration अप्सनमा क्लिक गरेर फर्म भर्ना सक्नुहुनेछ । बाँकी काम सिष्टमले गर्छ । यस्तै पिन रिसेट गर्नका लागि आईसर्भमा Reset PIN अप्सन दिइएको छ, जहाँबाट पिन रिसेट गर्न सकिन्छ । मोबाइल बैंकिङ अनब्लक गर्नुपरेमा वा ब्लक गर्नुपरेमा पनि आईसर्भमा मोबाइल बैंकिङ सर्भिसेस अन्तर्गत भएका Unblock Mobile Banking र Block Mobile Banking अप्सनमा गएर आफ्नो अनुरोध राख्न सकिनेछ । त्यसपछि बैंकको सिष्टमले काम गर्न थाल्छ । निकै सजिलो तरिकाले बैंकले यो सिष्टममार्फत मोबाइल बैंकिङको सेवा दिएको छ । र त पछिल्लो समय यो सेवा लिनेहरुको संख्या पनि निकै ठुलो छ ।

आईसर्भमार्फत ग्राहकले आफ्नो ब्यालेन्स कति छ भन्ने चेक गर्न सक्छन् । त्यसका लागि CUSTOMER SERVICES भित्र गएर Balance Inquiry अप्सनमा क्लिक गरी सो सेवा लिन सकिन्छ । त्यस्तै चेकका लागि अनुरोध पनि बैंकको सोहि सिष्टममा गएर गर्न सकिन्छ । सो सेवा लिनका लागि Cheque Request लेखिएको ठाउँमा गई आवश्यक फर्म भारी चेकका लागि अनुरोध गर्न सकिन्छ । अहिले धेरै ग्राहक यति कामका लागि बैंक धाउने गरेका छन् । तर एनईसी एशिया बैंकले यो कामलाई निकै सजिलो बनाएको छ ।

यस्तै बैंकले ब्यालेन्स सर्टिफिकेटको अनुरोध पनि अनलाइनबाट नै लिन्छ । त्यसका लागि Balance Certificate Request मा गई सो अनुरोध गर्न सकिन्छ । त्यतिमात्र होइन, Statement Request, Merchant Acquisition, Merchant Enrollment, Meroshare & CRN request, Meroshare & CRN request लगायतका सेवाहरु पनि बैंकको आईसर्भबाट नै प्राप्त गर्न सकिन्छ । आईसर्भमार्फत नै ग्राहकले Cheque Stop Payment, Scheme Transfer, Locker Facility Service Request, Blacklisting Service Request,TDS Certificate लगायतका सेवाहरु लिन सक्छन् । अर्थात ग्राहकले खोज्ने धेरैजसो सेवाका लागि बैंक धाउनुपर्ने स्थिति नै हुँदैन । यस्तै चेक डिपोजिट गर्न अनुरोध वा क्यास डिपोजिट गर्न अनुरोध पनि बैंककै अनलाइन सिष्टमबाट गर्न सकिन्छ ।

एउटा डेबिट कार्ड बनाउनुपर्यो भने बैंकमा जाउ, फर्म भर, लगायतका झन्झट ग्राहकले बर्षौँदेखि भोगेको झन्झट हो । तर एनआईसी एशिया बैंकले यस्ता सबैजसो समस्याको एक चुट्कीको समाधानका रुपमा आईसर्भ ल्याएको छ । आईसर्भको प्रयोगबाट नयाँ कार्डका लागि आवेदन, इकमर्श दर्ता लगायतका सेवा सजिलै लिन सकिन्छ । New Debit Card Request, E-Commerce Registration, Debit Card Block Request, Insta Buy, Debit Card Replacement Request लगायतका सेवा पनि बैंकले आईसर्भमार्फत नै उपलब्ध गराउने भएको छ । जसले ग्राहकका हरेक समस्या निकै सजिलो तरिकाले समाधान गरिदिनेछ भने हरेक अनुरोधलाई सकेसम्म छिटो सम्बोधन गर्ने प्रयास गर्नेछ।

तपाईंले फेसबुक, युट्युबमा कुनै समस्या भोगेर फेसबुक वा युट्युबको सपोर्ट सिष्टममा केहि अनुरोध गर्नुभएको छ भने तपाईंलाई टिकट सिष्टमको बारेमा बढी थाहा हुन्छ । यो अन्तराष्ट्रिय अभ्यास हो । यस्तै अभ्यास एनआईसी एशिया बैंकले पनि गरेको छ । तपाईंले कुनै समस्या पर्यो वा कुनै काम गर्नुपर्यो भने आईसर्भमा एउटा टिकेट ‘जेनेरेट’ हुन्छ । र बैंकले तपाईंको सोहि टिकेट नम्बरका आधारमा तपाईंको समस्या समाधान गरिदिन्छ । यो सहजमात्र होइन, प्रभावकारी पनि छ । बैंकले तपाईंको काम बैंक नै नगई ‘तमाम’ गरिदिन्छ । अर्थात बैंक गएर लिनुपर्ने धेरैजसो समस्या एनआईसी एशिया बैंकको अनलाइन सिष्टमबाट नै उपलब्ध हुने गरेको छ । र त ग्राहकहरु यो सेवा लिईसकेपछि भन्छन्- ‘वाह ! एनआईसी एशिया बैंकको सेवा क्या सजिलो !’