काठमाडौँ । अर्थ सरोकारकर्मी राधिका श्रेष्ठ ’इम्प्लोई अफ दी एअरको अवार्ड’बाट सम्मानित भएकी छिन् । अर्थ सरोकारको छैटौँ वार्षिकोत्सवको अवसरमा आयोजित एक कार्यक्रमका बीच उनी सो अवार्डबाट सम्मानित भएकी हुन् । अर्थ सरोकारका प्रबन्ध निर्देशक सुरज प्याकुरेलले ’इम्प्लोई अफ दी एअर’ घोषणा गर्दै श्रेष्ठलाई सो अवार्ड प्रदान गरेका हुन् ।
श्रेष्ठ अर्थ सरोकार डटकमको प्रमुख संचालन अधिकृतका रुपमा काम गर्दै आएकी छिन् । यसअघि विभिन्न संचारमाध्यममासमेत काम गरेको अनुभव रहेकी श्रेष्ठ बिगत २.५ बर्ष यतादेखि अर्थ सरोकारमा कार्यरत छिन् । अर्थ सरोकारको मल्टिमिडिया प्रमुखसमेत रहेकी श्रेष्ठले संस्थामा दिएको योगदानको मुल्यांकन गर्दै यो बर्षको ’इम्प्लोई अफ दी एअरको अवार्ड’श्रेष्ठलाई दिइएको अर्थ सरोकारका प्रबन्ध निर्देशक प्याकुरेलले बताएका छन् ।
अर्थ सरोकारले यसपटकदेखि हरेक बर्ष वर्षभरी काम गर्ने कर्मचारीमध्ये उत्कृष्ट काम गर्ने कर्मचारीलाई यो अवार्ड दिने घोषणासमेत गरेको छ । ‘हामी अवदेखि हरेक बर्ष सर्वोत्कृष्ट कर्मचारीलाई सम्मानस्वरुप अवार्ड प्रदान गर्छौँ । यसले हाम्रा साथीहरुमा थप उत्साह थपिदिने हाम्रो विश्वास छ।’ संस्थाको बार्षिकोत्सवको अवसरमा आयोजित एक विशेष कार्यक्रममा बोल्दै संस्थाका प्रबन्ध निर्देशक प्याकुरेलले भने– ‘संस्था राम्रो हुन सबैभन्दा महत्वपूर्ण भूमिका कर्मचारीको रहन्छ । यहि कारण हामीले कर्मचारीलाई सकेसम्म प्रोत्साहन गर्ने नीति लिएका छौँ।’
यसैबीच श्रेष्ठको नेतृत्वमा सेयर बजार सुन्दर छ’ कार्यक्रमको दोश्रो सिजनको प्रशारण केहि दिनमै आरम्भ हुनेसमेत प्याकुरेलको भनाई छ । अर्थ सरोकारले छैटौँ वर्षगाँठको अवसरमा विभिन्न कार्यक्रमहरु परिमार्जित रुपमा ल्याउँदैछ । कार्यक्रममा अर्थ सरोकारका कर्मचारीहरुलाई सम्मानसमेत गरिएको थियो भने अर्थ सरोकारको एप्लिकेसन निर्माण गर्ने प्रताप शर्मालाई समेत विशेष सम्मान गरिएको थियो ।
