काठमाडौं । २४ घण्टामै घर–टहरा हटाउन निर्देशन दिएका मेयर बालेन्द्र शाह मंगलबार आफै नर्भिक अस्पताल पुगे । अस्पताल पुगेर संचालकसँग भेट गरेका शाहले महानगरपालिकाले दिएको अल्टिमेटममा भने केही लचकता देखाएका छन् । अस्पतालले तत्काल संरचना हटाउन नसकिने निश्कर्ष निकालेपछि मेयर शाहले आवश्यक समय दिने जानकारी गराएका छन् ।

महानगरले खाली गर भनेको जग्गामा अस्पतालले अक्सिजन प्लान्ट स्थापना गरेकोले तत्काल संरचना हटाउन असम्भव रहेको अस्पतालका अध्यक्षले बताएका थिए । अस्पतालले सो निर्णय कार्यान्वयन गर्न तत्काल नसकिने पत्र पठाएपछि मेयर शाह अस्पतालमै पुगेका हुन् । अस्पतालमै पुगेर शाहले भने– ‘दुवै पक्षको इन्जिनियर राखेर अक्सिजन प्लान्ट हटाउन कति समय लाग्छ भनि निर्क्योल गरेर सोही अनुसारको समय अस्पताललाई दिन्छौँ । तर संरचना हटाउने निर्णयबाट पछि हट्दैनौँ ।’ बाँकी फोटो फिचरमा हेर्नुहोस्ः