काठमाडौं । राष्ट्रिय बीमा कम्पनीले ४७ करोड ३४ लाख ९५ हजार खुद नाफा आर्जन गरेको छ । गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गर्दै कम्पनीले अघिल्लो आर्थिक वर्षको तुलनामा ३१.४१ प्रतिशत बढी नाफा आर्जन भएको जनाएको हो ।
वित्तीय विवरण सार्वजनिक गर्दै कम्पनीले खुद बिमा शुल्क आम्दानीमा ५२.१५ प्रतिशत बढोत्तरी हुँदै ३४ करोड ५३ लाख ८० हजार रुपैयाँ पुगेको जनाएको छ । त्यस्ते पुनर्बिमा कमिसन आम्दानी पनि ४७.१९ प्रतिशतले बढेर २६ करोड ४ लाख १७ हजार रुपैयाँ पुगेको छ भने बिमा कोषमा २ अर्ब ६६ करोड ६९ लाख रुपैयाँ जम्मा भएको छ ।
त्यस्तै समिक्षा अवधिसम्ममा राष्ट्रिय बिमा कम्पनीको रिजर्भ कोषमा ७.५२ प्रतिशत सुधार देखिएको छ । अर्थात कम्पनीको रिजर्भ कोषमा ३ अर्ब ३८ करोड ५२ लाख ५९ हजार रुपैयाँ जम्मा भएको छ भने कम्पनीको चुक्ता पुँजी २६ करोड ६६ लाख रुपैयाँ मात्र रहेको छ । कम्पनीको प्रतिसेयर आम्दानी वार्षिक १७७ रुपैयाँ ५८ पैसा कायम भएको छ भने प्रतिसेयर नेटवर्थ १ हजार ३६९.६० रुपैयाँ रहेको छ ।
