काठमाडौं । काठमाडौंको न्यू प्लाजा अगाडि रहेको बिजुलीको पोलमा आगलागी भएको छ । पोलमा बर्षौंदेखि गजुल्टो पारेर राखिएको विभिन्न केबल, नेट तथा सेवा प्रदायक कम्पनीहरुको पुराना तथा काम नलाग्ने तारको गुजुल्टोमा तर सर्ट हुँदा आगलागी भएको हो ।
यसो त बिजुलीको पोलमा अव्यवस्थित रुपमा राखिएको यस्ता तारको गुजुल्टो काठमाडौंका अधिकांश ठाउँमा देख्न सकिन्छ । र यसरी तारको गुजुल्टोमा आगो लागेको पनि यो पहिलो घटना भने होइन । तर, यसको व्यवस्थापनामा भने सरोकारवाला निकाय गम्भिर देखिँदैनन् । सेवा प्रदायक संस्था तथा सम्बन्धित सरोकारवाला निकायको यो लापरवाहीले भविष्यमा थप घटना निम्तिन सक्ने पक्का छ ।
यद्यपी आगलागीबाट कुनै मानवीय क्षति भने भएको छैन । दमकल र सुरक्षाकर्मीको सहायतामा आगो नियन्त्रणमा लिईएको थियो । बाँकी फोटो फिचरमा हेर्नुहोस्ः
