">
काठमाडौं । कार्तिक महिनामा बैंकहरु असोज महिनाकै ब्याजदरलाई निरन्तरता दिएका छन् । नेपाल बैंकर संघको सहमतिअनुसार वाणिज्य बैंकहरुले कार्तिक महिनामा पुरानै ब्याजदरलाई निरन्तरता दिने भएका हुन् । कात्तिक महिनामा वाणिज्य बैंकहरुले मुद्दति निक्षेपको ब्याजदर यथावत् राखेका छन् ।
बैंकिङ क्षेत्रको तरलता अभावलाई व्यवस्थापन गर्न भन्दै पछिल्लो केही समयदेखि बैंकहरुले ब्याजदर वृद्धिलाई निक्षेप संकलनको जुक्तिका रुपमा प्रयोग गर्दै आएका थिए ।
तर, ब्याजदर वृद्धिकै आधारमा निक्षेप नथपिने र अहिले बढाएको ब्याजदरले बढेको लागत आउँदो माघदेखि मात्र ब्याजदरमा जोड्न पाइने भएकाले कात्तिकमा ब्याजदर स्थिर राख्ने निष्कर्षमा बैंकहरू पुगेका हुन् ।
असोजमा ११.०३% रहेको ब्याज बैंकहरुले बढाएर १२.१३३% पुर्याएका थिए । बैंकर संघको सहमतिअनुसार अव कार्तिक महिनामा यही ब्याजदरले निरन्तरता पाउने भएको छ ।
