काठमाडौं । दिपालीको अवसरमा अमेरिकी राष्ट्रपति भवन ह्वाइटहाउसमा दिप प्रज्वलन गरिएको छ । अमेरिकी राष्ट्रपति जो बाइडेनले दिपावली मनाउँदै ह्वाइटहाउसमा दिप प्रज्वलन गरेका हुन् ।
दियो बालेर दिपावली मनाएको तस्विर अमेरिकी राष्ट्रपतिको ट्विटरबाट सार्वजनिक गरिएको छ । जसमा राष्ट्रपति जो बाइडेन दियो बाल्दै गरेको देखिन्छन् । दिपावली मनाएको तस्विर सार्वजनिक गर्दै अमेरिकी राष्ट्रपति जो बाइडेनले खुसी व्यक्त गरेका छन् । त्यस्तै उनले दिपावलीलाई अन्धकार हटाएर संसारमा उज्यालो ल्याउने शक्तिका रुपमा व्यक्त गरेका छन् ।
दिपालीको अवसरमा ह्वाइटहाउसमा उपराष्ट्रपति कमला ह्यारिसल, प्रथम महिला जिल बाइडेन लगायतले समेत संयुक्त रुपमा दिपावली मनाएका छन् ।
