काठमाडौं । गरिमा विकास बैंकको सेयर नेपाल स्टक एक्सचेन्ज (नेप्से)मा सूचीकृत भएको छ । बैंकले लिलामी मार्फत बिक्रीमा ल्याएको १ लाख ९ हजार ८ सय ११ कित्ता संस्थापक सेयर नेप्सेमा सूचीकृत भएको हो ।

बैंकले हकप्रदमा निष्काशन गरेर बिक्री नभएको सेयर साउन २६ गते देखि भदौ ३१ गते भित्र लिलामी मार्फत बिक्री गरेको थियो । बैंकले यसरी बिक्री गरेको सो सेयर सोमबार नेप्सेमा सूचीकृत भएको छ ।

नेप्सेमा सूचीकृत संस्थापक शेयर सम्बन्धीत शेयरधनीको डिम्याट खातामा आएपछि दोस्रो बजारमा किनबेच गर्न सकिनेछ ।