काठमाडौं । मेटाका सीईओ मार्क जुकरबर्गले कम्पनीमा कर्मचारी कटौतीको प्रक्रिया सुरु गरेका छन् । कर्मचारी कटौतीको विषयलाई पुष्टी गर्दै जुकरबर्गले कम्पनीको गलत कदमका लागि आफु जिम्मेवार रहेको बताएका छन् ।

जुकरबर्गले कम्पनीको विकासमा अध्याधिक महत्वकांक्षी हुँदा आवश्यकताभन्दा बढी कर्मचारी नियुक्त गरेको वाल स्ट्रिट जर्नलको एक रिपोर्टले पुष्टी गरेको छ । अन्तराष्ट्रिय संचार माध्यमका अनुसार जुकरबर्गले यो कुरा स्विकारेका छन् । योसँगै अव मेटामा हजारौँ कर्मचारीहरुको कटौती हुनसक्नेछ ।

यसरी कर्मचारी कटौतीको प्रक्रियामा निकालिने कर्मचारीले कम्तिमा चार महिनाको पारिश्रमिक पाउनेछन् । फक्स रिपोर्टका अनुसार कर्मचारी कटौतीको योजनाको आन्तरिक घोषणा अनुसार मेटाले कर्मचारी कटौतीको प्रक्रिया सुरु गरेको छ । मेटाले बुधबार कर्मचारी कटौतीको अन्तरिक घोषणा गरेको थियो ।