काठमाडौं । युनिलिभर नेपालको २९औं वार्षिक साधारणसभा हुने भएको छ । कम्पनीको साधारणसभा मंसिर २० गते हुने भएको हो ।  सभा होटल एभरेष्ट, नयाँ बानेश्वर काठमाडौंमा दिउँसो ४ः३० बजेदेखि सुरु हुनेछ ।

सभाले सञ्चालक समितिले सिफरिस गरे बमोजिम अर्थात प्रतिसेयर १२ सय १५ रुपैयाँ नगद लाभांश वितरण गर्ने प्रस्ताव पारित गर्ने भएको छ । सभामा आर्थिक वर्ष २०७८/७९ को वार्षिक प्रतिवेदनमा छलफल समेत हुने भएको छ । सोही आर्थिक वर्षको नाफा नोक्सान, नगद प्रवाहमा छलफल गर्ने एजेण्डा रहेको छ ।

साथै, कम्पनीको सामाजिक उत्तरदायित्व अन्तर्गतका सामाजिक र सामुदायिक परियोजनाहरुको खर्चहरु पारित गर्ने एजेण्डा पनि रहेको छ । सभा प्रयोजनार्थ कम्पनीले मंसिर ४ गतेदेखि २० गतेसम्म बुक क्लोज गर्नेछ । तसर्थ, मंसिर ३ गतेसम्म कायम सेयरधनीले प्रस्तावित लाभांश पाउनेछन् ।