काठमाडौं । इन्फिनिटी लघुवित्त वित्तीय संस्था लिमिटेडले बोनस सेयर घोषणा गरेको छ । कम्पनीले आफ्ना सेयरधनीहरुका लागि २० प्रतिशत लाभांश घोषणा गरेको हो ।
३० पुसमा बसेको कम्पनीको सञ्चालक समितिको बैठकले गत वर्षको मुनाफाबाट २० प्रतिशत बोनस सेयर दिने निर्णय गरेको हो ।
नेपाल एग्रो लघुवित्त वित्तीय संस्थालाई प्रप्ति गरी एकीकृत कारोबार सुरु गरिसकेको हुँदा इन्फिनिटीले बोनस सेयरमा कर छुटको सुविधा पाएको छ । यो सँगै लघुवित्तले यसपटक कर तिर्नका लागि नगद लाभांश नछुट्याएको संस्थाका एक सञ्चालकले बताएका छन् ।
कम्पनीद्धारा प्रस्तावित लाभांश नेपाल राष्ट्र बैंकको स्वीकृति र वार्षिक साधारसभाबाट अनुमोदन भएपछि सेयरधनीहरुमा वितरण गरिनेछ ।
