काठमाडौं । राष्ट्रिय आविष्कार केन्द्रका संस्थापक महावीर पुनले सरकार र समाजलाई झक्झकाउनका सामाजिक आन्दोलन सुरु गरेको बताएका छन् । शुक्रबारदेखि माइतीघर मण्डलामा धर्ना सुरु गरेका पुनले फरक किसिमको सामाजिक आन्दोलनको सुरु भएको बताए ।

‘यो आन्दोलनलाई हामी फरक किसिमको सामाजिक आन्दोलन भन्छौँ ।’, उनले भने, ‘यो समाजलाई आविस्कार अनुसन्धान र नवप्रवर्तन गर्नुपर्छ भन्ने सोचाई समाजमा आएको छैन । त्यसैले समाजलाई यसको महत्व छ भन्ने बोध गराउनका लागि आन्दोलन सुरु गरेका हौँ ।’

हाल मुलुकको अर्थतन्त्र संकटमा रहेको र सुधारका लागि वैज्ञानिक अनुसन्धान अनिवार्य रहेको पुनले बताए । ‘यो सरकार अहिले कर्मचारीलाई तलब खुवाउन नसक्ने अवस्थामा पुगेको छ । तर, आम्दानी बढाउनेतर्फ सोचेकै छैन ।’, उनले भने, ‘अनुसन्धान-आविस्कारलाई प्राथामिकता दिइयो भने मुलुकमा रोजगारी बढ्छ, उत्पादन बढ्छ र अर्थतन्त्र सुधारको बाटोमा जान्छ ।’

आन्दोलन सुरु गर्दै पुनले संघ, प्रदेश र स्थानीय सरकारले आफ्नो विकास बजेटको एक प्रतिशत बजेट अनुसन्धान तथा आविष्कारका लागि छुट्याएर कोष बनाउनुपर्ने र त्यसलाई सञ्चालन गर्न सरकारले आवश्यक पर्ने छुट्टै ऐन निर्माण गर्नुपर्ने लगायतका माग राखेका छन् । बाँकी भिडियोमा हेर्नुहोस्ः